Trilex wotnětka tež serbsce rěči Trilex wotnětka tež serbsce rěči

Wot změny jězbneho plana dnja 14. decembra 2025 rěča ćahi Trilex na jězbje na čarje mjez Drježdźanami a Zhorjelcom prěni raz tež serbsce. Tak so nětko wšitke zastanišća w serbskim sydlenskim rumje wokoło Budyšina we woběmaj łužiskimaj rěčomaj připowědźa, runje tak kaž informaciske teksty.

Inspirěrowana bu Länderbahn jako wobhospodarka Trilexa wot projekta dwurěčnych připowědźow w busach, kotryž ZARI zhromadnje z VVO, regionalnymi busowymi předewzaćemi a Studijom Lucija wot 2024 krok po kroku zwoprawdźa. Länderbahn přinošuje z tym k zesylnjenju dwurěčnosće we łužiskej zjawnosći. Za ZARI – syć za serbsku rěč a regionalnu identitu – su dwurěčne připowědźe w zjawnym bliskowobchadźe wažny kamušk při tym, zo njebychmy serbšćinu jenož widźomnu, ale tež słyšomnu sčinili. Wutrobny dźak teamej Länderbahn za dobre zhromadne dźěło a tutón wažny přinošk k wuwiću dwurěčneje normality we Łužicy!