Region wokoło Slepoho
Region um Schleife
Region wokoło Slepoho
Tuchwilu njeje městno rěčneho motiwatora za serbsku rěč w Slepjanskej kónčinje a we Wochozach wobsadźene. Dźěłowe wupisanje namakaš na webstronje.
Wjace wo kónčinje
Mehr über die Region
Dalše informacije wo Slepom a Wochozach namakaš mjez druhim tule:
* modul „Rěčna krajina Slepo“ w portalu SORABICON
* informacije wo Slepjanskej kulturje, rěči a stawiznach pola Kóleska
* zapiskaj wo Slepom w serbskej a němskej Wikipediji
* nastawk wo Slepom a Wochozach w „Statistice Łužiskich Serbow“ Arnošta Muki
* zapiskaj wo Slepjanskej narěči a Slepjanskej kónčinje w Serbskim kulturnym leksikonje
* Serbski kulturny centrum w Slepom
Projektowe wjerški
Projekthighlights
Žiwa slepjanšćina a burska płachta w tamnišej cyrkwi
Něhdźe 40 zajimcow je sej štwórtk w Slepjanskej cyrkwi wustajeńcu „Płachta pełna hulicowańkow“ wobhladało.
Rěčna motiwatorka Juliana Kaulfürstowa předstaješe z originalnymi natočenjemi Slepjansku serbšćinu a powědaše wo swojich dožiwjenjach z maćernorěčnymi ludźimi wjeskow wokoło Slepoho, hdźež běšě w lětach 2010 do 2015 awtentisku slepjanšćinu nahrawała. Tema zarjadowanja bě zdobom płachta, burski grat, kiž je so něhdy wšudźe za wšelakore dźěła wužiwała. Wopytowarki, kiž běchu jako młodźi holcy hišće z płachtu dźěłali, pokazachu wšelake warianty wjazanja wokoło ćěła. Zhromadnje z wosadnej fararku Jadwigu Malinkowej zaspěwachu wopytowarjo na kóncu zarjadowanja Slepjanske kěrluše.
Dźěłarnička "Pisamy a čitamy serbske pismiki"
Kak da so jenož wšitke tute pismiki z hóčkami a smužkami wurjekuja?!
Kak čitamy pismikowu kombinaciju ch na spočatku słowa? Tajke a hinaše prašenja wobjednachu na wječornej dźěłarničce w běrowje rěčneje motiwatorki. Wěnowachu so tematice z pomocu kartkow, plakatow a dźěćacymi knihami, a na kóncu hrajachu hry, z čimž móžeše so kóždy na lochke wašnje wupruwować.
Spěwne popołdnjo w Brězowce
Z wjele lóštom su w Brězowce zhromadnje spěwne popołdnjo přewjedli a so z tym na stare lube spěwy dopomnjeli.
Z wjele lóštom su w Brězowce zhromadnje spěwne popołdnjo přewjedli a so z tym na stare lube spěwy dopomnjeli. “Slěpjański spiwnik” a “Towaršny spěwnik” běštaj wobdźělnikam dobrej pomocnikaj, wšako maja někotre ludowe spěwy jara wjele štučkow. Samo z Berlina bě zajimc přijěł – wón přewza wot akordeonista nastroj, zo by ze spěwarjemi serbsku hymnu “Rjana Łužica” zakantorił.
Wuchodźowanje po Slepjanskej rěčnej krajinje
Wopytowarjo wobeju zarjadowanjow so aktiwnje na „pućowanju na sćěnowinje” wobdźělichu a wupruwowachu na městnje wšě móžnosće filterowanja, pytanja a poskanja.
Wokoło Slepoho zetkawamy so na wjele městnach ze serbskej rěču. Hdźe móžemy serbšćinu słyšeć abo tež widźeć a tójšto wo njej zhonić, to pokaza portal „Rěčna krajina Slepo” na wědomostnej platformje Serbskeho instituta Sorabicon. Rečna motiwatorka Domowinskeho ZARI-projekta Juliana Kaulfürstowa, kotraž mjeztym hižo 15 lět w Slepjanskim regionje dźěła, bě w swojim přistajenju pola SI zhromadnje z kolegami wobsahi nadźěłała a je tute nětko w dwěmaj zarjadowanjomaj ludźom ze Slepoho a wokoliny zbližiła.
Portal ma 9 kachlicow, za kotrymiž schowaja so zezběrane wobsahi, n.př. * nahrawanja slepjanšćiny z maćernorěčnymi, * pytanska funkcija za přepytanje słowoskłada w historiskich słownych zběrkach, * zestawa přez 250 žórłow, kotrež wobjednaja Slepjanske wjeski, wosobiny, stawizny abo rěč, * fota wšěch 267 w Slepjanskej rěčnej krajinje existentnych (abo mjeztym hižo zhubjenych) serbskich/dwurěčnych napismow, * transkribowany a přełoženy rukopis z Rownoho z lěta 1902, * zběrku ležownostnych mjenow, * interaktiwnu kartu ze wšěmi wobsahami a wjele wjace.
Wopytowarjo wobeju zarjadowanjow so aktiwnje na „pućowanju na sćěnowinje” wobdźělichu a wupruwowachu na městnje wšě móžnosće filterowanja, pytanja a poskanja.
Portal steji k dispoziciji w hornjoserbšćinje a němčinje a namakamy jón pod adresu https://www2.sorabicon.de/hsb/recna-krajina-slepo/ (Rěčna krajina Slepo.
Serbske pućowanja w Slepjanskej kónčinje
Pućujo so do serbskeje rěče zanurić? To dźe! Kóždy dóstanje tematiske łopjeno z QR-kodom, zo by sej słowa a wobroty přečitać a zdobom naposkać móhł. Potom trjebamy jenož hišće dobru naladu a přijomnych sobupućowacych.
Naše serbske pućowanja wotměwaja so štyri króć wob lěto ze wšelakorymi temami. Přewodźujetaj was dr. Hync Rychtaŕ a Juliana Kaulfürstowa, kotrajž z wami tež spěwataj! Wězo njesmě zastaranje pobrachować – pak něhdźe załožimy abo činimy piknik w přirodźe.
Čitanje powěsćow
Powěsće z wokoliny wostanu za nas zajimawe, dokelž jewja so w nich znate městna, mjena a postawy. W běhu čitanja wospjetujemy abo nawuknjemy serbske słowa z teksta powěsće.
Tak zawěsće kóžda a kóždy spěšnje swój přistup k serbskim powěsćam z Mužakowskeje hole namaka. Připołdnica, błudnički a wódny muž su znaty – ale znajeće tež hrozne
Serbske spěwanske popołdnjo
Sama sym započała slepjanšćinu wuknyć z pomocu Slepjanskich ludowych pěsnjow. Bórze běch sej wěsta: Z jeje tekstami hodźi so rěč cyle wuběrnje nawuknyć! To chcu tež wam sposrědkować.
Serbske spěwanske popołdnja abo adwentne spěwanje zmóžnjeja nam, zhromadnje wjesele spěwać. Při tym njejsmy ani sami – přewodźuje nas akordeonist a tuž njetrjebamy so bojeć. Kóžda a kóždy spěwa po swojim wašnju, mjelčo abo mócnje.