Dźěłowe poskitki
Stellenangebote
Rěčny motiwator/ rěčna motiwatorka za serbsku rěč wokoło Slepoho a Wochoz (m/ž/d)
W projekće ZARI “Syće za serbsku rěč a regionalnu identitu” w nošerstwje Domowiny ma so tak spěšnje kaž móžno městno wobsadźić.
Rěčny motiwator podpěra serbske žiwjenje w Slepom a wokolinje a wutwori nowe rěčne rumy. Dźěłaš z ludźimi, zo by serbska rěč we wšědnym dnju
widźomniša a słyšomniša była.
Što su dźěłowe nadawki?
• podpěruješ a poradźuješ towarstwa, wjesne skupiny a jednotliwcow při zwoprawdźenju serbskich/dwurěčnych projektow
• sy narěčenski partner za angažowanych na městnje a pytaš tež za nowymi partnerami
• organizuješ prawidłowne rěčne poskitki (na přikład přednoški, pućowanja, spěwne zarjadowanja a dalše kreatiwne poskitki
• dokumentuješ wuwića
• rozprawješ w medijach wo twojim dźěle
Što wot sobudźěłaćerja/-ki wočakujemy?
• wotzamknjene wukubłanje abo přirunujomna kwalifikacija z wotpowědnymi powołanskimi nazhonjenjemi
• samostatne wašnje dźěłanja a zwólniwosć w teamje dźěłać
• wotewrjenosć/zamóžnosć z ludźimi dźěłać
• jězbna dowolnosć klasa B
Što poskićimy?
• tydźenski dźěłowy wobjim wučinja 40 hodźinow
• městno je najprjedy wobmjezowane hač do 31.12.2026 (perspektiwa na podlěšenje wobsteji)
• spěchowanje swójskich kompetencow přez dalekubłanske naprawy podpěrujemy
• mzdu płaćimy po TV-L (EG 9 wotwisnje wot kwalifikacije)
• dźěłowe městno je w Slepom
Sy zajimowany/-a?
• jeli haj, požadaj so prošu hač do 02.05.2026 pola hłowneje jednaćelki Domowiny
Domowina – Zwjazk Łužiskich Serbow z. t.
Judit Šołćina
Póstowe naměsto 2 - 02625 Budyšin
sekretariat@domowina.de
• na požadanje ćežkozbrašenych při jenakich kmanosćach prěnjorjadnje dźiwamy
• při prašenjach wobroćće so na Dianu Pawlikowu (tel.: 03591/3163850 abo diana.pawlikowa@domowina.de)