Region wokoło Delnjeho Wujězda
Region um Uhyst
Motiwator za serbsku rěč
Frank Knobloch
Region wokoło Delnjeho Wujězda
Ze swojim dźěłom chcu tomu přinošować, zo słušatej serbska rěč a kultura w přichodźe zaso do wšědneho dnja ludźi. Pytnu, zo so wjace ludźi za to zajimuje, hač sej mysliš. Sym partner wšěm, kotřiž chcedźa sej najprjedy raz stawizny a kulturu Serbow wuwědomić a sej serbsku rěč přiswojić. Jako motiwator skutkuju w gmejnomaj Łaz a Sprjewiny Doł kaž tež w Delnim Wujězdźe a wokolinje.
Wo mojim dźěle
Über meine Arbeit
Na zašłosć njepozabyć a so dopominać
Prěnjotnje ludźi na městnje podpěram, kotřiž so za serbskosć zajimuja, sposrědkuju jim móžnosće za nawuknjenje rěče a wutwarju regionalnu syć. Sam zaměrnje hornjoserbšćinu wuknu.
Myslu sej, zo móžu ze swojim dźěłom tomu zadźěwać, zo stawizny a serbsku zašłosć zabudźemy. Chcu dopomnjenki na to zachować, štó smy a zwotkel přińdźemy.
Rady podpěram w běhu lěta towarstwa a jednotliwcow při organizowanju koncertow, zarjadowanjow abo kreatiwnych poskitkow a z tym nałožowanje serbšćiny wožiwjamy.
Nimo toho so za widźomnu dwurěčnosć na wjesnych taflach zasadźuju. Witam a podpěruju, zo so wšelake towarstwa na swojich internetnych stronach tež w serbskej rěči prezentuja.
Wjeselu so, hdyž so mi dalši multiplikatorojo přidruža a so zajimcy pola mje přizjewja.
Kontakt
Kontakt
Frank Knobloch
motiwator za serbsku rěč wokoło Łaza, Sprjewineho Doła a Delnjeho Wujězda
frank.knobloch@domowina.de
0171 4138016
Frank Knobloch
motiwator za serbsku rěč wokoło Łaza, Sprjewineho Doła a Delnjeho Wujězda
Štó sym?
Rěkam Frank Knobloch. Sym 57 lět stary a bydlu w Delnim Wujězdźe.
Wot 1. nowembra 2022 skutkuju jako serbski motiwator za ZARI. W tutej funkciji staram so wo gmejnje Sprjewiny Doł a Łaz kaž tež wo Delni Wujězd jako dźěl Hamorskeje gmejny.
Što je moja motiwacija za dźěło jako rěčny motiwator?
Mam serbske korjenje a chcu aktiwnje tomu přinošować, zo słušatej serbska rěč a kultura perspektiwisce zaso cyle samozrozumliwje do wšědneho dnja ludźi w cyłej Łužicy.
Kajke nazhonjenja mam?
Mam nazhonjenja w priwatnohospodarskim kaž tež w zjawnoprawniskim wobłuku, na přikład nastupajo próstwy za spěchowanske projekty a zwoprawdźenje projektow kaž tež w towarstwowym dźěle.
Što we wólnym času rady činju?
Rady přežiwjam čas ze swójbu a z přećelemi, pućuju a w zahrodźe dźěłam.