Palimy sej wobraz Brandmalerei

Dnja 23. apryla, w 17:30 hodź. sće wšitcy cyle wutrobnje přeprošeni, so na prěnim serbskim projekće w Klukšu wobdźělić. Budźe to Palenje wobraza, abo lěpje prajene, psalma abo serbskeho hrónčka na tamnišim kantoraće. Tajke palene wobrazy, husto z psalmami, běchu něhdy wokoło Malešec wuraz kruteje wěry do Boha a sylneje, serbskeje identity. Tutu staru, serbsku tradiciju chcemy nětko w Klukšu zaso hajić. Palenje wobraza organizuje Lucian Kaulfürst, motiwator za serbsku rěč w projekće ZARI. Projekt rady z wami přewjedu a so na Waš wopyt wjeselu. Maće wy psalm abo někajke hrónčko, kotrež chceće sej rady na desku palić? Potom pójće nas rady w Klukšu, na farje wopytać. Wjeselimy so na Waš wopyt!!!