Wo ležownostnych mjenach zhonili ZARI sej Serbski institut do Bošec přeprosył

Na Młynkec jěchanskim dworje w Bošecach pola Kubšic je so tydźenja črjódka zajimcow zešła., zo bychu so z něhdyšimi serbskimi ležownostnymi serbskimi mjenami zaběrali. Mjenowědnik dr. Kito Kśišank z Wittenberga slědźi na Serbskim instituće w Choćebuzu a zaběra so ze serbskimi mjenami polow a łukow łužiskich wsow. Mjez dokumentami, w kotrychž wón slědźi, su tež karty Bošec a wokoliny. Po tym zo bě wón wo nastaću wjesneho mjena Bošecy porěčał a přitomnym někotre stare zapiski do rukow dał, zesydachu so wšitcy za blido zo bychu zhromadnje za tajkimi mjenami pytali. Wosebje zajimawe za wopytowarjow a přednošowarja běchu informacije knjeza Panacha z Bošec. Wón znaješe mjena, kotrež běchu referentej njeznate, tuž sej je hnydom zapisowaše. Serbski institut poskićuje tajke zarjadowanja składostnje swojeho 75 lětneho wobstaća w Budyšinje kaž tež w Choćebuzu. Na internetnej stronje Serbskeho instituta namakaja zajimcy dalše poskitki, wšitke su bjezpłatne.

přinošk a foto: Serbske Nowiny, 18.05.2026