“Kofejownja” 7.5.25

Zarjadowanje wotměješe so w Němsko-serbskim šulskim kompleksu Slepo.

Format kofejownje hodźi so derje za to, ludźi do rozmołwy a do diskusije wabić, a to bě wotpohlad za našu regionalnu dźěłarničku. Wjednica projekta ZARI Diana Pawlikowa předstaješe zaměry, móžnosće a akciski plan našeje syće, potom podachu so zajimcy a druzy organizatorojo (nowy projekt SorbIT Slepjanskeho zarjadniskeho zjednoćenstwa a Entwicklungsgesellschaft Niederschlesische Oberlausitz) do diskusije. Za to běchu 5 blidow přihotowali, za kotrymž wobjednachu so prašenja a temowe wobłuki z relewancu za Slepjanski region. Kóždy wopytowar kofejownje móžeše po 15 mjeńšinach dalše blido wopytać a ze swojimi nazhonjenjemi a idejami diskusiju wobohaćić. Bifet za tutón wječor běchu šulerjo a starši rjadownje 9b přihotowali, a wšitke jědźe běchu ze serbskim napismom popisali.