Literarna dźěłarnička Literaturworkshop

Literarna dźěłarnička: Biografiske dźěło ze symbolemi

Kreatiwne pisanje za dorosćenych, kotřiž chcedźa wo swojim žiwjenju powědać.

W tutej dźěłarničce póńdźe wo wjele wjace, hač jenož wo jednore powědanje. Mjenujcy wo hłuboke předźěłanje a refleksiju swójskeho žiwjenskeho puća. Z pomocu metafrow, symbolow a wizuelnych impulsow namakaće wobrazy za to, štož hodźi so husto ćežko ze słowami wopisać.

W srjedźišću steji při tym proces, za swójske dopomnjenki namakać wobrazy a symbole, potajkim stilistiske srědki. Přez zaměrne techniki wizualizacije ­– kaž wukładowanje symbolow na časowu liniju – so kapitle rjaduja, zwiski wutworjeja a wosobinske dožiwjenja w nowych zwiskach literarnje nazhonjeja.

Symbole a wobrazy słuža jako mosćik k swójskim nazhonjenjam. Dźěłarnička podpěruje při tym, swójski literarny hłós wuwić, čerwjenu nitku swójskeje stawizny zesylnić a přihódny naratiw sformulować.

Wšo to so stawa w škitanym rumje bjez hódnoćenja, kiž skići Wam móžnosć so wotewrjeć, dožiwjenja zdźělić, nowe perspektiwy zdobyć a swójski žiwjenski puć přez literarnu formu zwuraznić.