Poskitk wusměri so wosebje na młodu generaciju we Wojerowskej kónčinje, witani pak su wšitcy zajimcy do Kulowca, do znateje archi.
Naprašowanje a ideja přińdźe wot maćerje z Kulowca. Wona poskići zhromadnje ze Zari na dwojich popołdnjach móžnosć z pomocu parličkow karty wšelakeho razu, prěnjowoprawjenske, firmowanske, dźakne abo samo čorne za žarowanske pady, porjeńšić. Wězo wobsteji móžnosć při tym serbować, so zeznać a so wuspytać.
Naročne přikłady sačka su přihotowane a so wupołoža, kaž tež tykawčki Wojerowskeje drasty z parličkami wudebjene a samo wuchodźowanska tobołka jako accessoire za serbsku drastu.
Poskitk je dołhodobny a móžemoj tutón tež na naprašowanje w druhich wjeskach zakótwić.
Přidatnje hodźi so proces zhotowjenja tykawčkow pokazać. Tutón dźěl chce žona rady na dalšim popołdnju pokazać. Wona tute wuměłstwo jara derje praktikuje.
Prošu přizjewće so pola mje nanajpozdźišo dwaj dnjej do poskitkoweho dnja pod 03571/601613.
Rěčna motiwatorka projekta ZARI – Marija Šołćic
terminy
městno / zetkanišćo
zarjadowar
ZARI
Maria Šołćic | Scholze
Region wokoło Wojerec