Za 9 měsacow serbsce rěčeć!
Ty chceš so z dźělom serbskorěčneje zhromadnosće stać, njejsy pak hač dotal składnosć měł/a, našu rěč zaměrnje nawuknyć? Hač je twoja motiwacija za nawuknjenje serbšćiny priwatna abo powołanska, z našim nowym intensiwnym programom DOMOJ skićimy ći móžnosć, w běhu dźewjeć měsacow – wot apryla do decembra 2025 – wšědnje serbšćinu dožiwić, rěčeć a wuknyć, zo by ju na kóncu programa nałožować a samostatnje dale skrućić móhł/a.
Mamy 12 městnow w našim „rěčnym hnězdźe“ w tutym lětniku – wužij tutu jónkrótnu šansu! Deleka zhoniš, kak móžeš so hač do 10.11.2024 požadać!