Nowa rěč – nowy swět
Wšojedne, čehodla so rozsudźiš, serbšćinu wuknyć a wšojedne, kak daloko chceš při tym hić: mamy poskitki, materialije a pomocne srědki, kotrež ći wuknjenje wolóža.
Maš serbskeho partnera a chceš na swójbnych swjedźenjach wjace zrozumić? Wuknje twoje dźěćo w pěstowarni abo w šuli serbsce a ty chceš tróšku sobu wuknyć? Abo staj dźěd a wowka drje serbsce rěčałoj, rěč pak je so w twojej swójbje mjeztym zhubiła?
Kajkužkuli maš přičinu – tule namakaš podpěru. Z našim nowym programom DOMOJ chcemy ći samo zmóžnić, serbšćinu intensiwnje dźeń wote dnja wuknyć, zo by so hišće spěšnišo do swěta našeje łužiskeje rěče zanurił/a.