Prěni wulět Domojnikow 2026 do Slepoho Prěni wulět Domojnikow 2026 do Slepoho

Jich prěni wulět je Domojnikow lětnika 2026 srjedu 27.05. do Slepoho wjedł. Tam su so ze skupinu Zorjakow z Delnjeje Łužicy zetkali. Prěnja stacija bě Serbski kulturny centrum (SKC). Nowy nawoda (a domojnik) Pascal Nowak je nam pokazał kwasnu stwu a powědał wo serbskich tradicijach a kulturje w Slepom.

Druhe zastanišćo bě stary serbski kěrchow w Rownom, hdźež je 60 restawrowanych starych serbskich narownych kamjenjow. Potom smy činili připołdnišu přestawku na Njepilic dworje, při kotrejž su so wuknjacy wobeju kursow – delnjoserbskeho a hornjoserbskeho – wzajomnje předstajili.

Po krótkim pohledźe do pusćiny brunicoweje jamy běše Slepjanska cyrkej poslednja stacija našeho połneho programa. Fararka Jadwiga Malinkowa je rozprawjała wo stawiznach cyrkwje a nam pokazała zwón ze serbskim nadpismom na wěži. Na kóncu su wšitcy zhromadnje slepjanski kěrluš zaspěwali.