Kreatiwny kursKreativkurs
Region wokoło Wojerec
Region um Hoyerswerda
Motiwatorka za serbsku rěč
Marija Šołćic | Scholze
Region wokoło Wojerec
Wučerka a wuměłča – „Wuknjenje a wučenje rěčow sym 25 lět w Francoskej zwučowała“ Wotewrjena za nowe puće – tworju a zasadźuju nowostki, kotrež wuknjenje serbskeje rěče atraktiwne a wobrotniwe činja a kiž wobstejace wuknjenske struktury podpěraja Poskitki spěchuja zhromadnosć a motiwaciju za wuknjenje serbšćiny.
Wo mojim dźěle
Über meine Arbeit
Serbšćina zaso generacije zwjazuje
Jako motiwator dyrbiš čuch za to wuwiwać, kotre metody funguja, chceš-li z ludźimi serbować, kotřiž to dotal zwučeni njejsu. Zasadźuju so za to, zo so serbskosć we Wojerowskej kónčinje jenož na narodnej drasće njewidźiš. Wšako chcemy našu rěč tež tam zaso w zjawnosći słyšeć a ju nałožować. To njech moje impulsy, kotrež wšitkim generacijam dawam, podpěruja. Moja specialita je: Kombinuju .... z rěču. Derje je, zo móžemy tutu metodu tež jara derje w kónčinach druhich motiwatorow nałožować. Dotal sym w Kulowej a we Wojerecach akcije poskićała, kotrež su so hižo zadomili. To rěka, ludźo prawidłownje a rady na nje chodźa. A tež w małych wjeskach so w rěčnym nastupanju něšto stawa. W starej šuli w Ptačecach je domizniska stwa, hdźež móžeš serbšćinu znajmjeńša digitalnje dožiwjeć.
ke kontaktejProjektowe wjerški
Projekthighlights
Bookii-klub we Wojerecach
Na jednym popołdnju w měrcu 2024 sedźachmy, dorosćeni a někotři zamołwići towarstwow kaž tež županka G. Linakowa w Domowinskim domje nad tójšto wuwitymi materialijami za Bookii-pisak.
Wobdźělnicy so wuspytachu, běchu překwapjeni a zaběrachu so z nowymi idejemi. A to wšo přinošuje nawuknjenju serbskeje rěče a lóštnej zaběrje z našej maćeršćinu, zo by so tuta zaso mjez generacijemi doma a wšudźe druhdźe sylnišo pěstowała. Ludźo běchu zahorjeni a wjeselu so na bórzomne zasowidźenje.
Šulska a domizniska stwa Ptačecy modernizowana
Šěsć měsacow dołho tworješe předsydka domizniskeho towarstwa Ptačecy ze mnu nowe mjezwočo wjesneho muzeja. Nětko je w tutej wjesce zaso serbšćina přistupna, hdźež wona přez 40 lět słyšeć njeběše.
Sej samostatnje šulsku stwu z lěta 1900 wotkryć a woblečenje kaž tež nošenje tamnišeje Wojerowskeje drasty dožiwić, je wot nětka přez wuhotowanje z nowymi medijemi kaž z Bookii pisakom a Padletom móžne.
Mnozy turisća z wokoliny sej tam prawidłownje z kolesom dojědu. Tež wy sće wutrobnje přeprošeni sej swět zašłosće wotkryć.
Za jednym blidom zhromadnje tworić a serbować
W Kulowje so hdys a hdys zetkamy, młodźi a starši, zo bychmy přez tworjenje z hlinu do bjesady přišli. Wuknjemy mjenujcy tež na lóštne wašnje ze serbskej rěču wobchadźeć, tole interaktiwnje z hudźbu kaž tež přez rysowanje a wotkryće nałožkow. Tak so tež do wobnowjeneho Jakubecoweho wustawa serbska rěč na te abo tamne wašnje zadomi. Někotři běchu wćipni, druzy běchu swěrni wopytowarjo.
Serbske jejka a debjenje tutych raz hinak
Nawal zajimcow bě wulki a ze zahoritosću dorosćeni a dźěći z Wojerec zasady při debjenju serbskich jutrownych jejkow nawuknychu. Dla krutych wěstotnych postajenjow dyrbjach metodu wuwić, při kotrejž žadyn wósk a žanu swěčku njewužiwam, ale wobdźělenym přiwšěm debjenje zbližu. To běše wužadanje.
W Brigitte - Reimannowej bibliotece we Wojerowskim centrumje bě na tutym wječoru jutrowna atmosfera čuć. W nowinje rěkaše, zo tuta akcija za wospjetowanjom woła. Tři stacije móžachu wobdźělnicy wužiwać. Štóž trjebaše raz přestawku a wokomik za wočerstwjenje, móžeše so w pódlanskej rumnosći z teoriju debjenja a nałožka zaběrać. Němcy, wukrajnicy, maćerje z dźěćimi a inženjeraj so jara koncentrowachu a zwažichu sej serbske mustry na woprawdźite a kumštne jejka kłasć. Tež serbska bjesada bě mjez přitomnymi słyšeć.
Modelěrowanje keramiki před a z publikumom
Jako fachowča na keramiskim polu a hotowańča za serbsku katolsku narodnu drastu móžu kaž w Radworju w februarje 2024 publikumej pokazać, kak so serbska narodna drasta w skulpturach zwoprawdźi.
Dźěl po dźělu bosěruju někotre hodźiny a rozjasnju zdobom, wo kotre dźěle so jedna. Na fachowe a techniske prašenja móžu wotmołwić, dokelž sym přez 35 lět wjele wuspytała a nazhoniła.
Ale tež zhromadnje z towarstwami, skupinami so publikumej nic jenož z mojej maćeršćinu bližu. Při wuměłskim tworjenju chcu wšelake generacije mjez sobu zwjazać a jim tak přistup ke kursam zmóžnić.
Kontakt
Kontakt
Marija Šołćic | Scholze
motiwatorka za serbsku rěč w Kulowje, Wojerecach a Halštrowskej holi
marija.solcic@domowina.de
03571 601613
Marija Šołćic | Scholze
motiwatorka za serbsku rěč w Kulowje, Wojerecach a Halštrowskej holi
Štó sym?
Sym Serbowka a tworjaca wuměłča z lubosću za serbsku folkloru, serbske nałožki a serbsku rěč.
Što je moja motiwacija za dźěło jako rěčna motiwatorka?
Wobšěrne nazhonjenja a lubosć za to, serbsku dušu dale dawać.
Kajke nazhonjenja mam?
Jako wučerka za rěče – 14 lět – a wukubłarka na polu wuměłstwa – 20 lět – sym serbšćinu dlěje hač 25 lět tež w Francoskej hajiła a ju swojim třom dźowkam do žiwjenja sobu dała.
Što we wólnym času rady činju?
Čitam, pisam, tworju hudźbu a wuměłsku keramiku a mam tójšto dalšich zajimow.