Pik-nyg na Knježim dworje Pik-nyg im Gutshof

Słowo “Pik-nyg” je wumyslena zestajenka ze słowomaj “piknik” a “nygnyć.” Tute zestajene słowo je pomjenowanje za nowy projekt w Serbskim projektowym běrowje w Přiwćicach. Projekt wotměje so štwórtk, 24. Julija wot 17:30 hodźin. Sće lubje přeprošeni, so na “Pik-nygu” wobdźělić! Při Pik-nygowanju” dźe wo to, so wotpinać a jednorje być. Najwažniše při tutym projekće sće WY. Tola kak ma “Pik-nyg” nětko dokładnje wupadać? Cyle jednorje: Kóždy hósć kotryž přińdźe, njech sej něšto sobu přinjese. Něšto štož jemu wjeselo wobradźa abo jeho duši tyje. Jeli potajkim něchtó rady pleće, njech přinjese sebi wołmu a swoje jehlički sobu. Ale snano chceće tež “jenož” dobru knihu čitać abo zajimujeće so za to štož druzy činja a z nimi so rozmołwjeće. A jeli chce něchtó rady spać, tež to budźe tam móžno. Hłowna wěc, zo sej atmosferu tak rjenje a měrnu sčinimoj kaž móžno. Wězo móže k tomu tež spěwanje abo druhe aktiwity přinošować. Wšojedne što, hłowna wěc zo tyje našej čłowječej zhromadnosći. A nimo toho mamy hišće druhe zajimawostki za was přihotowanych. Wjeselimy so na Waš wopyt. Budźće ćipni a pójće 24. Julija w 17:30 hodźin rady w Přiwćicach nimo!