Spěwne popołdnjo w Ptačecach

Na tutym popołdnju bě cyrkwička w Ptačecach połna. Domchowanska swjatočnosć z fararjom dr. Reicheltom so tež w serbskej rěči wotmě. Čitanje z ewangelija so wot Marije Šołćic w serbskej rěči a po tym wot fararja němsce přednjese.

Muska skupina Přezpólni z třomi kěrlušemi přewodźa .

Organizacija cyłkownje ležeše w rukomaj Martiny Pečikoweje a jeje teama, zhromadnje z Mariju Šołćic dołho premjeru spěwneho popołdnja přihotowaštej.

Ale najprjedy so po nyšporje kěrpsowy kral woleše, přez dokładne waženje nahromadźenych kěrpsow na nawjesce. Přezpólni mócnje přewodźachu dyrdomdej. A na kóncu doby młody Ruven z kěrpsom, kotryž waži přez 30 kg. A hižo čakaše słódny kofej a šwita dobrych tykancow na žurli korčmy. Tam běchu so někak 100 hosći zhromadźili, zo bychu Přezpólnych słyšeli.

Blida běchu k tomu kryte z kartami serbskich burskich kaznjow z molowankami a kneflemi ze serbskimi bajemi, wšo přihotowanje wot Marija Šołćic, kotraž je za kónčinu Wojerec zastupjerka Zari-projekta.

Přez hodźinu poda Fabian Kaulfuerst, nawoda skupiny, anekdoty k spěwam, krótke přełožki  a zajim wopytowarjow bě tak wulki, zomějach na kóncu naprašowanje domizniskeho towarstwa za wirtuelnym spěwnikom Přezpólnych.

Tak je muska skupina zamóhła škričku dale dać a zajim zbudźić za nadźijomnje přichodny serbski spěwny wječork.