Pućuj a serbuj! Mosaik-Ralley

Při najkrasnišim słónčnym wjedrje podachu so swójby zhromadnje z rěčnej motiwatorku projekta ZARI Raphaelu Wićazowu na tak mjenowanu „Mosaik-Ralley“ na Hućinjansku wučbnu šćežku. Z pomocu šmóratka dyrbjachu so cyłkownje šěsć stacijow namakać a na tutych wuslědźić, štó je najrjeńše pjerjo kołpa Swantje pokradnył. Wosebitostka při tutej ralley, kotraž je so w ramiku projekta „MoSaiKTeil – łužiske bahna, pěsk, chójny a haty“ nadźěłała je, zo móže so wona tež w serbskej rěči přewjesć. Atraktiwny rěčny poskitk wužichu wosebje swójby, kotrež dźěći serbšćinu w pěstowarnjach abo w šuli wuknu.